ایک شہر سے دوسرے شہر میں داخل ہونے پر قصر نماز کا حکم

السلام علیکم و رحمۃ اللہ و برکاتہ

محترمی و مکرمی  متکلم اسلام مولانا محمد الیاس گھمن حفظہ اللہ

عرض یہ ہے کہ   میں مستقل شارجہ رہتا ہوں اور جب شارجہ سےسفر کے لئے مثلاً لاہور جا تا ہوں  تو میں دبئی ایئرپورٹ جاتاہوں تو

1:      کیا شارجہ سے دبئی ایئرپورٹ آؤں تو دبئی میں قصر نماز پڑھوں گایا مکمل؟ جبکہ نوعیت یہ ہے کہ شارجہ اور دبئی کے شہر بالکل آپس میں ملے ہوئے ہیں   لیکن شارجہ الگ شہر ہے اور دبئی الگ شہر ہےبعض اعتبار سے  ملک ہی الگ الگ ہیں۔

2:      اس طرح جب میں لاہو رسے سفر کرکے دبئی اترتا ہوں جبکہ آنا میں نے شارجہ ہوتاہے میری مستقل رہائش شارجہ میں ہے تو دبئی میں  مکمل نماز پڑھوں گا یا  قصر  اورجب دبئی کی حددود سے نکل کر شارجہ کی حدود میں داخل ہوں گا تو پھر مکمل نما ز پڑھوں گا۔

3:      اس طرح میں ابوظہبی سے شارجہ آتا ہوں لیکن شارجہ میں داخل ہونے سے پہلے دبئی میں داخل ہوجاتا ہوں تو دبئی مکمل نماز پڑھو گا یا قصر نماز پڑھو گا اورجب دبئی کی حددود سے نکل کر شارجہ کی حدود میں داخل ہوگا تو پھر مکمل نما ز پڑھوں گا یا قصر؟

4:      اور اس طرح شارجہ سے ابوظہبی جاتا ہوں تو مدت مسافت شرعی ہوجاتی ہے تو میں جب شارجہ سے دبئی میں داخل ہوگا تو مکمل  نماز پڑھو گا یا قصر یا دبئی مکمل نماز پڑھو گا اور جب دبئی سے نکل جانے کے بعد قصر شروع ہوگی ؟

سائل:عبدالرحمٰن