الفاظ ِطلاق سے بہر صورت طلاق واقع ہو جاتی ہے

Molana Muhammad Ilyas Ghumman Staff replied 3 years ago

وعلیکم السلام و رحمۃ اللہ و برکاتہ
اگر کسی شخص نے اپنی بیوی کو تین طلاقیں دی ہوں تو تین طلاق واقع ہو جاتی ہیں اس میں دل کا اعتبار نہیں نیت کرے تب بھی ہو جاتی ہے نیت نہ ہو تب بھی واقع ہو جاتی ہے اگر طلاق کے الفاظ صریح ہیں تو اس صورت میں نیت کا اعتبار نہیں اور اگر طلاق کے الفاظ صریح نہیں ہیں تو ان الفاظ میں عرف کا اعتبار ہوگا اگر طلاق کے لیے بولے جاتے ہیں تو اس صورت میں طلاق واقع ہو گی اور اگر طلاق کے لیے استعمال نہیں ہوتے تو اس صورت میں نیت کا اعتبار ہوگا ۔
اوراس کے بعد دونوں کا ساتھ رہنا بالکل ناجائز اور حرام ہے، لہٰذا دونوں پر لازم ہے کہ فوراً علیٰحدہ ہوجائیں اور اتنے عرصے ساتھ رہنے کی وجہ سے حرام کاری کے جو مرتکب ہوئے ہیں اس پر اللہ تعالیٰ کے حضور خوب توبہ و استغفار کریں۔
وان کان الطلاق ثلثا فی الحرۃ ۔۔۔ لم تحل لہ حتی تنکح زوجا غیرہ نکاحا صحیحاً ویدخل بھا ثم یطلقھا یموت عنھا والأصل فیہ قولہ تعالٰی فان طلقھا فلا تحل لہ من بعد حتی تنکح زوجا غیرہ والمراد الطلقۃ الثالثہ
ہدایہ کتاب ا لطلاق ج2 ص 399
ترجمہ:
اگر بیوی کو تین طلاق دی ہیں ۔۔۔تو وہ اپنے شوہر کے لیے حلال نہیں حتی کہ کسی اور کے ساتھ نکاح صحیح ہو جائے اور وہ اس کے ساتھ ہمبستری کرلے پھر وہ اس عورت کورضا مندی سے طلاق دے یا وہ شوہر فوت ہو جائے اور اس میں دلیل اللہ تعالیٰ کا فرمان ہے: فان طلقھا فلا تحل لہ من بعد حتی تنکح زوجا غیرہ : پھر اگر اس کو (تیسری) طلاق دے دی تو وہ عورت اس (تیسری طلاق) کے بعد اس پر حلال نہیں ہے یہاں تک کہ وہ عورت اس کے علاوہ کسی اور مرد سے نکاح کرے اور مراد تین طلاق ہیں ۔
واللہ اعلم بالصواب