امام شعبی رحمۃ اللہ علیہ اور ترک رفع یدین

امام ابو عمرو عامر بن شراحیل الشعبی الھمدانی الکوفی (متوفیٰ 104ھ) کے  بارے میں امام  ابو بکر عبد اللہ بن محمد بن ابی شیبۃ العبسی الکوفی (متوفیٰ 235ھ) نے اپنی سند سے دو روایتیں ذکر کی ہیں:
روایت نمبر 1:

حَدَّثَنَا يَحْيَى بْنُ آدَمَ ، عَنْ حَسَنِ بْنِ عَيَّاشٍ ، عَنْ عَبْدِ الْمَلِكِ بْنِ أَبْجَرَ… قَالَ عَبْدُ الْمَلِكِ : وَرَأَيْت الشَّعْبِيَّ ، وَإِبْرَاهِيمَ ، وَأَبَا إِسْحَاقَ ، لاَ يَرْفَعُونَ أَيْدِيَهُمْ إِلاَّ حِينَ يَفْتَتِحُونَ الصَّلاَةَ.

(مصنف ابن ابی شیبۃ ج2ص416 باب من کان یرفع یدیہ فی اول التکبیرۃ ثم لایعود رقم الحدیث 2469)

ترجمہ: امام عبد الملک بن ابجز فرماتے ہیں:  میں نے امام شعبی، امام ابراہیم (النخعی) اور امام ابو اسحاق (السبیعی) کو دیکھا، یہ حضرات شروع نماز کے علاوہ رفع یدین  نہیں کرتےتھے۔
اس روایت کی سند مسلم کی شرط پر صحیح ہے۔
اس روایت کو غالی غیر مقلد زبیر علی زئی صاحب نے  بلحاظ سند ”صحیح“ کہا ہے۔ (نور العینین: ص314)
روایت نمبر 2:

حَدَّثَنَا ابْنُ مُبَارَكٍ ، عَنْ أَشْعَثَ ، عَنِ الشَّعْبِيِّ ؛ أَنَّهُ كَانَ يَرْفَعُ يَدَيْهِ فِي أَوَّلِ التَّكْبِيرَةِ ، ثُمَّ لَا يَرْفَعُهُمَا.

(مصنف ابن ابی شیبۃ ج2ص416 باب من کان یرفع یدیہ فی اول التکبیرۃ ثم لایعود رقم الحدیث2459)

ترجمہ: امام شعبی نماز کی اول تکبیر (تکبیر تحریمہ) کے وقت رفع یدین کرتے تھے، پھر  رفع یدین نہیں کرتے تھے۔
اس روایت کی سند مسلم کی شرط پر صحیح ہے۔
واللہ اعلم
ابو محمد شبیر احمد حنفی