نماز اوابین کا ثبوت اور وقت

نماز اوابین کا پڑھنا حدیث سے ثابت ہے اور اس کا وقت نماز مغرب کے بعد سے عشاء کی نماز کے وقت کے شروع ہونے تک ہے کم سے کم چھ رکعات اور زیادہ سے زیادہ بیس رکعات ہیں ۔ترمذی شریف کے اندر حضرت عائشہ رضی اللہ عنہا سے روایت ہے۔عن عائشہ عن النبی صلی اللہ علیہ وسلم قال من صلی بعد الغرب عشرین رکعۃ بنی اللہ لہ بیتا فی الجنۃ [ترمذی ج1ص98 باب ما جاء فی فضل التطوع ست رکعات بعد الغرب] اس طرح سنن ابن ماجہ کے اندر چھ رکعات کے الفاظ ہیں وہ یہ ہیں من صلی بعد المغرب ست رکعات [ ابن ماجہ ص83باب ما جاء فی الست الرکعات بعد المغرب]
ترجمۃ=حضرت عائشہ رضی اللہ عنہا سے مروی ہے کہ آپ علیہ السلام نے فرمایا جس شخص نے مغرب کی نماز کے بعد بیس / چھ رکعات نماز پڑھی اللہ تعالیٰ اسکا گھر جنت میں بنائیں گے