پوجا کی مٹھائی کا حکم

پوجا کی مٹھائیاں نہیں کھائی جا سکتی ایک اس وجہ سے کہ اس پر غیر اللہ کا نام لیا جاتا ہے قرآن پاک میں اللہ تعالی فرماتے ہیں:
حرمت علیکم المیتۃ و الدم ولحم الخنزیر و ما احل لغیر اللہ بہ۔۔۔۔۔۔۔۔۔۔ الایۃ
ترجمہ: تم پر مردار اور خون اور سور کا گوشت اور جس چیز پر اللہ تعالی کے سوا کسی اور کا نام پکارا جائے حرام ہے۔
ایک تو یہ غیراللہ کی نذر کیا جاتا ہے اور اس پر غیر اللہ کا نام لیا جاتا ہے اس وجہ سے ناجائز اور حرام ہے۔
 دوسرے یہ کہ اگر اس پر غیر اللہ کا نام نہ لیا جائے تو پھر بھی جائز نہیں کیونکہ فرمان باری ہے:
“ولا تعاونوا علی الاثم و العدوان”
ترجمہ: کہ گناہ اور برائیوں میں تعاون نہ کرو ۔
تو یہ ایک برے عمل میں معاونت ہے اور اس کی پوجا وغیرہ میں ایک قسم کا تعاون ہے جس سے وہاں رش بڑھتا ہے اس لئے اس مٹھائی کو نہ کھایا جائے۔
واللہ تعالی اعلم بالصواب
دار الافتاء
مرکز اھل السنۃ والجماعۃ
سرگودھا، پاکستان
17 ربیع الاوّل 1440ھ بمطابق 26 نومبر2018