بوڑھے لوگوں کا غلط زبان استعمال کرنا

السلام علیکم و رحمۃ اللہ و برکاتہ

محترمی و مکرمی  متکلم اسلام مولانا محمد الیاس گھمن حفظہ اللہ

عرض یہ ہے کہ میری نانی کی عمر 75 سال ہے۔ ذہنی توازن بالکل ٹھیک ٹھاک ہے بس بینائی کمزور ہے۔ میرے ننھیال کا گھر میرے گھر کے پاس ہے اس لیے میری نانی سارا دن میرے گھر ہی رہتی ہے۔ حضرت عرض یہ کہ میری نانی بات بات پر اللہ رب العزت کی ذات کی گستاخی کرتی ہے اور ہمارے سامنے اللہ پاک کو گالیاں بھی دیتی ہے۔ نماز، بلکہ سب دینی فرائض احکامات کا مذاق اڑاتی ہے۔ اگر نماز وغیرہ کی تلقین کی جائے تو صاف انکار کر دیتی ہے۔ تمام رشتہ داروں کے لیے بددعائیں کرتی ہے اور بالخصوص جہنم کی بد دعا دیتی ہے۔ ہم سب نے بہت کوشش کی کہ ہر طرح سے نانی کی خدمت کی جائے مگر ہماری فرمانبرداری کے باوجود بھی نانی کی زبان کنٹرول میں نہیں رہتی۔ ہمارے بارے میں کہی باتیں تو قابل برداشت ہیں مگر وہ ہمارے سامنے اللہ پاک کو گالیاں اور بد دعائیں دیتی ہے۔ میں نے متعدد  بار نانی کو گھر آنے سے روکنا چاہا مگر میری والدہ یہ کہہ کر منع کر دیتی ہیں کہ چونکہ یہ میری والدہ ہے تو مجھے یہ بات ناگزیر ہے کہ اسے میرے گھر سے روکا جائے۔حضرت اس سارے معاملے میں ہمیں اور بالخصوص مجھے کیا کرنا چاہیئے؟ رہنمائی فرمائیں۔

سائل: عبداللہ