میں نے پیر ذوالفقار نقشبندی صاحب کے بیان میں ایک حدیٽ سنی ہے کہ قرب قیامت لوگ اپنی بیویوں سے زنا کریں گے لیکن ایک صاحب کہہ رہے ہیں کہ ایسی کوئی حدیث نہیں ہے برائے مہربانی مجھے اس حدیث کا حوالہ بتا دیں۔
المعجم الاوسط کے اندر حضرت عبداللہ بن مسعود رضی اللہ عنہ کی ایک طویل حدیث موجود ہےجس میں یہ الفاظ بھی ہیں :
قال:یاتی علی الناس زمان یطلق الرجل المراءۃ ثم یجحدھاطلاقھا ثم فیقیم علی فرجھا،فھمازانیان مااقاما۔
المعجم الاوسط ج3ص 368رقم الحدیث 4861
ترجمہ:
حضرت عبداللہ بن مسعود رضی اللہ عنہ فرماتے ہیں کہ نبی پاک صلی اللہ علیہ وسلم نے فرمایا: [قرب قیامت]لوگوں پرایک ایسازمانہ آئےگا جس میں مرد اپنی بیوی کو طلاق دے گاپھر انکار کرے گاکہ [طلاق نہیں دی اور طلاق سے پہلے جیسے میاں بیوی کارشتہ اور تعلق تھاطلاق کے بعد بھی ایسا ہوگا ]پھر وہ آدمی اس عورت سے ہم بستری کرے گایہ دونوں زانی ہی ہوں گےجب تک وہ یوں ہی رہیں گے۔
واللہ تعالی اعلم بالصواب
دار الافتاء
مرکز اھل السنۃ والجماعۃ
سرگودھا، پاکستان
17 ربیع الاوّل 1440ھ بمطابق 26 نومبر2018
Please login or Register to submit your answer