جواب
واضح رہے کہ بچہ یا بچی پر نابالغوں والا جنازہ اس وقت تک پڑھا جائے گا جب تک بالغ نہ ہو جائیں لہذااسلامی سال کے اعتبار سے لڑکے کے بالغ ہونے کی کم سے کم عمر 12 سال، جبکہ لڑکی کے بالغ ہونے کی عمر 9 سال ہے، اس سے پہلے لڑکا اور لڑکی بالغ نہیں ہوسکتے۔جب لڑکے کی عمر اسلامی سال کے اعتبار سے 12 سال اور لڑکی کی عمر 9 سال ہوجائے تو اس کے بعد جب بھی بلوغت کی علامات ظاہر ہوجائیں تو یہ دونوں بالغ ہوجاتے ہیں، البتہ اگر بلوغت کی کوئی بھی علامت ظاہر نہ ہو تو پھر اسلامی اعتبار سے 15 سال کی عمر میں دونوں بالغ شمار کیے جائیں گے۔ بالغ ہونے کے بعد نماز ،روزہ اور شریعت کے دیگر احکام ان پر لازم ہوں گے۔اور اسی اعتبار سے ان پر بالغوں والا جنازہ پڑھا جائے گا۔
لڑکے کے لیے بلوغت کی علامات یہ ہیں: خواب میں اِحتلام ہوجانا، بیداری میں اِنزال ہوجانا یعنی منی نکلنا وغیرہ۔
بُلُوغُ الْغُلَامِ بِالِاحْتِلَامِ أو الْإِحْبَالِ أو الْإِنْزَالِ، ۔۔۔وَأَدْنَى مُدَّةِ الْبُلُوغِ بِالِاحْتِلَامِ في حَقِّ الْغُلَامِ اثْنَتَا عَشْرَةَ سَنَةً، ۔۔وَلَا يُحْكَمُ بِالْبُلُوغِ إنِ ادَّعَى وهو ما دُونَ اثْنَتَيْ عَشْرَةَ سَنَةً في الْغُلَامِ۔۔.
فتاوی عالمگیری ۔الْفَصْلُ الثَّانِي في مَعْرِفَہ حَدِّ الْبُلُوغ
ترجمہ: لڑکے کے بالغ ہونے کی علامت احتلا م ہونا،جماع کے قابل ہونا، بیداری میں انزال ہونا [منی نکلنا]۔۔۔ احتلام کی وجہ سے لڑکے کے بالغ ہونے کی کم ازکم مدت بارہ سال ہے ۔۔۔اور اگر وہ بارہ سال سے پہلے بالغ ہونے کا دعوی کرے تو وہ بات قابل ِقبول نہیں۔
(بُلُوغُ الْغُلَامِ بِالِاحْتِلَامِ وَالْإِحْبَالِ وَالْإِنْزَالِ) وَالْأَصْلُ هُوَ الْإِنْزَالُ، (وَالْجَارِيَةِ بِالِاحْتِلَامِ وَالْحَيْضِ وَالْحَبَلِ) (فَإِنْ لَمْ يُوجَدْ فِيهِمَا) شَيْءٌ (فَحَتَّى يَتِمَّ لِكُلٍّ مِنْهُمَا خَمْسَ عَشْرَةَ سَنَةً، بِهِ يُفْتَى)؛ لِقِصَرِ أَعْمَارِ أَهْلِ زَمَانِنَا.
فتاوی شامی۔ج1 ص281
ترجمہ: لڑکا احتلام اور عورت کو صحبت کے ذریعے حاملہ کرنا اور انزال ہونا [منی نکلنا] ان علامات سے بالغ ہوتا ہےاوراصل انزال ہے اور عورت میں احتلام ،حیض آنا اور حاملہ ہونا یہ علامات ہیں اگر ان میں سے کوئی علامات نہ پائی جائےتو ان میں سے ہر ایک پندرہ سال کی عمر میں بالغ سمجھا جائے گا کیونکہ ہمارے زمانہ میں عمریں کم ہیں ۔
واللہ اعلم بالصواب
دارالافتاء مرکز اھل السنہ والحماعہ سر گودھا پاکستان
20 ستمبر2020
Please login or Register to submit your answer