پرائز بانڈ کی شرعی حیثیت

واضح رہے کہ پرائز بانڈ اور  اس کا انعام ناجائزا ور حرام ہےکیونکہ اس میں سود پایا جاتا ہے سود کی حقیقت یہ ہے کہ مال کا مال کے بدلے معاملہ ہو   اور اس میں ایک طرف ایسی زیادتی مشروط ہو جس کے مقابلے میں دوسری طرف کچھ نہ ہو۔
یہی معاملہ پرائز بانڈ میں ہوتا ہےایک شخص کچھ رقم جمع کراتا ہے  اس کا مقصد یہ ہوتا ہے قرعہ اندازی میں نام آنے پر اصل رقم کے علاوہ زیادہ رقم ملے گی اس صورت میں جو اضافی رقم ملتی ہے وہ سود ہے جوکہ حرام ہے کیونکہ وہ عوض سے خالی ہے ۔
لہذا پرائز بانڈ ز کی خریدوفروخت کرنااور اس سے ملنے والا انعام حاصل کرنا شریعت کی رو سے  ناجائز اور حرام ہے۔
واللہ اعلم بالصواب
دارالافتاء
مرکز اھل السنۃ والجماعۃ سرگودھا پاکستان
08۔صفر1442
26۔ستمبر2020