برائے مہربانی جواب ارسال کریں،۔کیا علامہ انور شاہ کشمیری علیہ الرحمۃ نے کتاب، العرف الشذی 309 فیض الباری 1۔420 اور کشف السر 27 میں تراویح 20 رکعت کی تردید اور 8 کو ہی سنت قرار دیا ہے۔برائے مہربانی مفصل جواب تحریر کریں۔نوازش ہوگی۔
ریاض احمد
منکرین تراویح جس طرح احادیث توڑ مروڑ کر پیش کرتے ہیں اسی طرح ہمارے اکابرین کی عبارات بھی توڑ مروڑ کرآدھی اپنے مطلب کی پیش کرتے ہیں امام العصر خاتم المحدثین علامہ انور شاہ کشمیری ؒ اس مسئلہ میں اہل السنت والجماعت کے مؤقف کے ساتھ متفق ہیں آپ بیس تراویح کے قائل ہیں اورصرف آٹھ رکعت پڑھنےوالے کو اہل السنت سے خارج سمجھتے ہیں۔
(فیض الباری ج 3ص181)
ایک جگہ آپ فرماتے ہیں ائمہ اربعہ میں سے کوئی ایک بھی بیس رکعات سے کم کا قائل نہیں جمہور صحابہ کا عمل بھی یہی ہےاور خلفاء راشدین کی سنت بھی بیس رکعات ہے۔
(العرف الشذی : ج1 ص99/100)
لہذا ان کے بارے میں کہنا کہ وہ آٹھ کے قائل ہیں سوائے بہتان کے اور کچھ نہیں ۔
مجیب:مولانامحمد عاطف معاویہ
Please login or Register to submit your answer