بیوہ اپنے گھر میں اداس ہو گئی ہو تو کیا دورانِ عدت چند دن کے لیے اپنے میکے جا سکتی ہے؟

جواب:
وعلیکم السلام ورحمۃ اللہ وبرکاتہ!
عورت پر لازم ہے کہ اپنی عدت اپنے گھر ہی میں گزارے۔ اداس ہو جانے کی وجہ سے اپنا گھر چھوڑ کر میکے چلے جانا جائز نہیں ہے۔ ہاں  اگر اسے اپنے گھر میں اداسی ہو گئی ہے تو اس کے میکے والے چند روز اس کے گھر  آ کر گزاریں تاکہ اس کی اداسی وغیرہ ختم ہو جائے۔عدت ختم ہونے پر میکے جا سکتی ہے۔
واللہ اعلم بالصواب
دار الافتاء،
مرکز اھل السنۃ والجماعۃ سرگودھا پاکستان
28محرم الحرام 1442ھ/
17- ستمبر 2020ء