نماز میں سینے پر ہاتھ باندھنے والی حدیث

نماز میں ناف کے نیچے ہاتھ باندھنا مسنون عمل ہے۔ اس پر کثیر تعداد میں صحیح احادیث و آثار موجود ہیں۔سینے پر ہاتھ باندھنے سے متعلق جس حدیث کا آپ نے حوالہ دیا ہے وہ سنن ابی داؤد کی نہیں بلکہ مراسیل ابی داود کی روایت ہے جسے اب تحریف کرکے اصل کتاب کا حصہ بنا دیا گیا ہے. اس روایت میں سخت درجہ کا ضعف ہے کیونکہ یہ مرسل روایت ہے۔ غیر مقلدین کے معروف عالم زبیر علی زئی نے بھی اعتراف کیا ہے کہ یہ روایت ضعیف ہے. صحیح ابنِ خزیمہ میں یہ موجود تو ہے مگر سخت درج کی ضعیف ہے۔لطف کی بات یہ ہے کہ سینے پر ہاتھ باندھنے سے متعلق غیر مقلدین کی جو سب سے مضبوط دلیل ہے وہ یہی صحیح ابنِ خزیمہ کی روایت ہےمگر اس کو خودغیر مقلدین کے شیخ ناصر الدین البانی نے بھی ضعیف قرار دیا ہے۔ہمارے مرکز اہل السنت والجماعت کی طرف سے شائع ہونے والے رسالے”ماہنامہ فقیہ”جلد نمبر 2 شمارہ نمبر 11,12میں اس عنوان پہ تفصیلی مضمون موجود ہے، آپ وہاں ملاحظہ فرما لیں۔ واللہ تعالیٰ اعلم