پرائز بانڈ کی شرعی حیثیت

عرض یہ ہے کہ اسلامی جمہوریہ پاکستان میں حکومت عوام سے مختلف رقوم جمع کرتی ہے اور اس رقم کے بدلے میں رقم جمع کروانے والوں کو رسیدیں جاری کرتی ہے ۔مثلا اگر کسی شخص نے سرکاری مرکزی بینک میں چالیس ہزار روپے جمع کروا دے تو بدلے میں اس کو چالیس ہزار روپیوں کی  وصولی کی رسید جاری کر دی جائے گی ۔اسی رسید کو انعامی بانڈ ،پرائز بانڈ کہا جاتا ہے۔جو شخص جس دن چاہے کسی بھی بینک میں جا کر اپنی رسید یعنی پرائز بانڈ واپس کر کے اتنی ہی رقم فوری واپس وصول کر سکتا ہے ۔ایک روپیہ زیادہ یا کم نہیں دیا جاتا ۔ہر مالیت کے بےشمار انعامی بونڈز حکومت سرکاری بینکوں کے ذریعے لاکھوں  لوگوں کو جاری کر کے اربوں روپے اکٹھے کرتی ہے۔پھر ہر کچھ ہفتوں یا مہینوں کے بعد ہر مالیت کے انعامی بانڈز کی قرعہ اندازی منعقد کی جاتی ہے جو حکومت کی کڑی نگرانی میں ہوتی ہے ۔اس میں یہ طریقہ ہوتا ہے کہ جس مالیت کے انعامی بانڈز کی قرعہ اندازی کرنی ہو تو پورے ملک میں جتنے بھی اس مالیت کے بانڈز جاری ہو چکے ہوں ان تمام کے نمبرز کا قرعہ نکالا جاتا ہے ۔پھر اس قرعہ اندازی میں ملک بھر میں اس مالیت والے لاکھوں انعامی بونڈز میں سے چند کا نمبر قرعہ اندازی میں نکل آتا ہے۔ اور ان کو انعامی رقوم ادا کی جاتی ہیں۔انعامی رقم پر حکومت بھی دس فیصد ٹیکس وصول کرتی ہے ۔انعام بھی جد اجدا ہوا کرتے ہیں کسی کو پانچ کروڑ بھی مل سکتا ہے کسی کو پچیس ہزار وغیرہ وغیرہ اور زیادہ تر بانڈز پر ایک روپیہ بھی انعام نہیں نکلتا ۔لیکن نقصان کسی کو بھی نہیں ہوتا کیونکہ اصل رقم تو سب کی محفوظ رہتی ہے ۔ان انعامی بانڈز کی شرعی حیثیت پر انتہائی شدید اختلاف ہے ۔کچھ لوگ ان کو سود اور جوا قرار دیتے ہیں جبکہ کچھ ان کو جائز قرار دیتے ہیں کہ ان میں نہ سود ثابت ہے نہ جوا ۔ شریعت مطہرہ کی روشنی     میں مدلل فتویٰ درکار ہے ۔