پاکی اور ناپاکی کے مسائل

الجواب
حامداو مصلیا ومسلما         
محض شک کی بنا پر کوئی چیز یا جگہ ناپاک نہیں ہوتی ہاں اگر غالب گمان یا یقین ہو جائے تو یہ ناپاک شمار کی جائے گی۔
باقی رہی دوسری صورت اس میں اسی طرح  سے پوچہ کرنے سے پرہیز کرنا چاہیئے البتہ اگر وہ جگہ خشک ہوگئی تو وہ پاک کے حکم میں ہوگی۔
چناچہ علامہ عالم بن علاء الانصاری متوفی [786]ھ فرماتے ہیں:
“من شک فی انائہ او ثوبہ او بدنہ : اصابتہ نجاسۃ اولا، فھو طاھر مالم یستیقن وکذا الآبار والحیاض۔۔۔۔۔۔۔۔۔ والحباب الموضوعۃ۔۔۔۔۔۔ فی الطرقات”
    الفتاوی التاتارخانیۃ :1/110 کتاب الطہارت نوع فی مسائل الشک 
ترجمہ: اگر کسی برتن یا  کپڑے یا بدن میں شک پڑ جائے کہ اس کو نجاست لگی ہے یا نہیں تو وہ اس وقت تک پاک شمار کیا جائے گا جب تک یقینی بات معلوم نہ ہو جائے یہی حکم کنواں اور حوضوں اور ان جگہوں کا ہے جو راستہ میں ہوں۔
 اور اسی طرح فتاوی ھندیہ میں  ہےکہ
[منھا] الجفاف وزوال الاثر الارض تطھر بالیبس وذھاب الآثر للصلوۃ لا للتیمم ۔
الفتاوی الھندیہ [1/49] الباب السابع فی النجاسۃ۔
ترجمہ: پاکی کے اسباب میں سے ایک سبب خشک ہو جانا اور اس ناپاکی کے اثر کا ختم ہو جانا ہے زمین خشک ہونے اور نجاست کا اثر ختم ہو جانے سے پاک ہو جائے گی اور یہ پاکی صرف نماز کے لئے ہے ناکہ تیمم کے لئے۔
فقط واللہ تعالی اعلم بالصواب
دارالافتاء مرکز اھل السنۃ والجماعۃ  سرگودھا پاکستان
8ربیع الاول1440ھ بمطابق17نومبر2018