مغرب کی نماز کتنی دیر تک پڑھی جا سکتی ہے

سورج غروب ہونے کے بعد آسمان کے مغربی کنارے پر جو سفیدی رہتی ہے اس کو “شفق” کہتے ہیں، جب تک آسمان کے کناروں میں “شفق” کی سفیدی قائم رہتی ہے تب تک مغرب کا وقت باقی رہتا ہے۔ برصغیر میں اس کا دورانیہ تقریباً ایک گھنٹہ یا اس سے کچھ کم و پیش ہوتا ہے۔ مغرب کی نماز میں بلاوجہ قصداً تاخیر کرنا مکروہ ہے، اس لیے غروبِ آفتاب کے بعد تاخیر کیے بغیر مغرب کی نماز ادا کرنا افضل و مستحب ہے۔ تاہم اگر کسی مجبوری کی وجہ سے تاخیر ہو جائے تو “شفق” کے ختم ہونے سے پہلے پہلے ضرور پڑھ لی جائےکیوں کہ “شفق” غروب ہونے بعد مغرب کی نماز قضاء ہو جائے گی اور قصداً کسی نمازکو قضاء کرنا بہت بڑا گناہ ہے۔ واللہ اعلم بالصّواب
مُجیب: مولانا عابد جمشید