جماعت ثانیہ کا حکم

بسم الرحمن الرحیم
واضح رہے کہ دوسری جماعت اس مسجد میں جائز ہوتی ہے جس میں امام اور نمازی اور موذن مقرر نہ ہو یا محلہ والوں نے بغیر اذان کے اعلان کے یا اذان کے بغیر جماعت کی ہو یعنی محلہ والوں کو اس جماعت کا پتہ نہ چلا ہو۔ لہذا صورت مسئولہ میں دوسری جماعت جائز نہیں اور اگر وہاں جماعت ہو رہی ہو تو اس میں شامل ہونا بھی درست نہیں۔
چنانچہ علامہ ابن عابدین شامی رحمہ اللہ فرماتے ہیں:
ویکرہ تکرار الجماعۃ باذان واقامۃ فی مسجد محلۃ لا فی مسجد طریق او مسجدلاامام لہ ولاموذن لہ] یکرہ تحریما] ۔۔۔ الا اذا صلی بھما فیہ اولا غیر اھلہ او اھلہ لکن بمخا لفۃ الاذان ولو کرر اھلہ بدونھما او کان مسجد طریق ۔ شامیہ ؛[۲/۳۴۲] مطلب فی تکرار الجماعۃ
ترجمہ: محلہ کی مسجد میں دوسری جماعت کرانا مکروہ ہے ہاں اگر راستہ کی مسجد ہو یا ایسی مسجد ہوجس میں ا مام اور موذن مقرر نہ ہواس میں دوسری جماعت جائز ہے۔
البتہ اگر محلہ کی مسجد میں پہلے غیر محلہ کے لوگوں نے جماعت کرائی ہو یا خود محلہ والو نے بغیر اذان کے جماعت کوائی ہو یا اس مسجد میں محلہ والوں نے اذان واقامت کے بغیر یا راستہ کی ایسی مسجد ہو جس میں کوئی امام یا مقتدی مقررنہ تو اس میں دوسری جماعت جائز ہے۔فقط واللہ اعلم بالصواب