بجلی چوری کرنے کا حکم

جواب:
وعلیکم السلام ورحمۃ اللہ وبرکاتہ!
بغیر کنکشن کے لائٹ استعمال کرنا جائز نہیں ہے۔ واضح رہے کہ ایک فرد کی چوری کرنا بھی حرام اور ناجائز ہے لیکن بجلی کا سرکاری ادارہ تو پوری قوم کی ملکیت ہے، اس سے چوری کرنا تو پوری قوم کی چوری کرنے کے مترادف ہے۔
اس لیے اگر کسی نے یہ گناہ کر لیا ہے تو جتنی بجلی استعمال کی ہے اس کی رقم یا اگر بجلی کی صحیح مقدار معلوم نہ ہو سکے تو اندازے سے کچھ زائد رقم بجلی کے ادارے میں جمع کرانا واجب ہے اور ساتھ ساتھ توبہ واستغفار کرنا بھی لازم ہے۔
واللہ اعلم بالصواب
دار الافتاء،
مرکز اھل السنۃ والجماعۃ سرگودھا پاکستان
15 محرم الحرام 1442ھ/
4- ستمبر 2020ء