فضائل اعمال پر اعتراض

یہ کرامت ہے اور اہل السنۃ والجماعۃ کے نزدیک اولیاء کرام کی کرامتیں برحق ہیں۔ ایک رات میں ایک ہزار نوافل پڑھنا یا اتنی زیادہ مقدار میں کوئی اور عبادت کرنا جو عام طور پر تھوڑے وقت میں ممکن نہ ہو لیکن بزرگوں کے حالات میں اس کا تذکرہ ملتا ہو تو وہ ان کی کرامت ہی سمجھی جائے گی۔ اس کے علاوہ اللہ تعالی نیک لوگوں کے وقت میں برکت ڈال دیتے ہیں جس کی وجہ سے تھوڑے وقت میں زیادہ کام ہوجاتے ہیں۔ اس کی بہت سی مثالیں ملتی ہیں۔ اس لیے ایسی باتوں کا انکار کرنا درست نہیں۔