موجود بلا مکان

 
استویٰ علی العرش سے مراد یہ ہےکہ اللہ تعالیٰ کا عرش پر غلبہ ہے ۔جیساکہ امام محمدبن اسماعیل البخاری[متوفیٰ 256ھ]نے قرآنی آیت                         ،ثم استویٰ علی العرش ،،کا معنیٰ بیان کرتے ہوئے فرمایا ،ای علا علی العرش،،[صحیح البخاری ج2 ص1103 کتاب التوحید باب وکان عرشہ علی الماء]
ترجمہ=اللہ تعالیٰ عرش پر غالب ہے ۔
عربی زبان میں استویٰ بمعنیٰ،،غالب ہونا،،استعمال ہوتا ہے ۔جیساکہ ایک شاعرنے بشربن مروان کی مدح میں شعر کہا تھا۔
قداستویٰ بشرعلی العرق                                                                                                         من غیر سیف ودم مھراق
                                                                                                                                                                                                                                                                                                                                                                                                                                                                                                                                                                                                                         کتاب السماء الصفات للبیہقی ج2 ص153۔
ترجمہ= بشربن مروان نے بغیر خونریزی کے عراق پر غلبہ پا لیا۔    
غلبہ کو بیان کرنے کے لئے عرش کا خاص انتخاب کیوں کیا ہے ؟تو اس کی وجہ یہ ہےکہ عرش کا ئنات کا مکانِ آخر ہے تو مکانِ آخر تک غلبہ بتلانے کے لئے عرش کا ذکر کیا ہے جیسا کہ ایک آدمی کے پاس سائیکل،مو ٹر سائیکل،اور کار ہے تو وہ اپنی ملکیت اورمالی رتبہ بتلانے کے لئے یہ کہے کہ میرے پاس کار ہے تو اس کا ہرگز یہ مطلب نہ ہو گا کہ اس کے پاس سائیکل،اور مو ٹر سائیکل رکھنے کی اہلیت نہیں    ۔تو یہاں بھی جب مکان آخر تک ذات  ِباری تعالیٰ کا غلبہ ہے تو اس سے نیچے والے مکانات پر بھی بطریق اولیٰ غلبہ ثابت ہوا۔
                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      واللہ الموفق
                                                                         دار الافتاء مرکز اھل السنۃالجماعۃ  سرگودھا پاکستان
                                                                                                                                                                                                                                                                                                                                                                                                                                                                                                                                                                تاریخ13/11/2018