بیوی کا دودھ پینے سے نکاح کا حکم

الجواب حامداً ومصلیاً
بیوی کا پستان چوسنا اور منہ میں لینے میں کوئی حرج نہیں، لیکن اگر دودھ نکلنے کا ظن غالب ہو تو پھر ایسا نہ کیا جائے اور اگر دودھ بیوی کے پستانوں سے نکل آیا اور خاوند نے نگل لیا تو اس کا یہ فعل حرام ہے، مگر اس سے نکاح پرکوئی اثر نہیں پڑتا، بیوی بدستور نکاح میں باقی رہے گی۔
إذامص الرجل ثدی امرأتہ وشرب لبنھا لم تحرم علیہ امرأتہ۔
شامی، کراچی ۳/۲۲۵، زکریا ۴/۴۲۱
ترجمہ: اگر شوہر نے اپنی بیوی کا پستان چوسا اور دودھ بھی پی لیا تو اس پر بیوی حرام نہیں ہوگی۔
واللہ اعلم بالصواب
دارالافتاء مرکز اھل السنۃ والجماعۃ
سرگودھا پاکستان
9 دسمبر 2019ء بمطابق 11 ربیع الثانی 1441ھ