سوال:

تہجد کی نماز اور صلوٰۃ التسبیح کی نمازجماعت سے ادا کرسکتے ہیں کہ نہیں؟

محمد محمود الحسن لکھنؤ

جواب:

شریعت نے عبادات کو جس انداز میں مشروع کیا ہے اس کو اسی طریقہ سے ادا کرنا مطلوب ہے۔ شریعت نے نماز پنجگانہ،عیدین،اورجمعہ وغیرہ کو باجماعت ادا کرنے کا حکم دیا ہےلیکن نوافل کو انفرادی عبادت تجویز کیا ہے۔

اس لیے کسی نفلی عبادت خواہ تہجد ہو یا صلوٰۃ التسبیح جماعت سے ادا کرنا منشاء شریعت کے خلاف ہے۔اس لیے فقہاءکرام نے نفل نماز کی جماعت کو جبکہ مقتدی دو سے زیادہ ہوں مکروہ لکھا ہے۔

اور خاص راتوں میں اجتماعی نماز ادا کرنےکو بدعت قرار دیا ہےاس لیے تہجد اور صلوٰۃ التسبیح کا جماعت سے ادا کرنا صحیح نہیں ہے۔

مولانا عبد الغفار حنفی